မြိုင်မြိုင်ဆိုင်ဆိုင်

မပြိုင်ဘဲလည်း မနေနဲ့

အပြိုင်အဆိုင်ရှိမှ မြိုင်မြိုင်ဆိုင်ဆိုင် တိုးတက်မယ်

ပြိုင်ပြိုင်ဆိုလို့

ငါနဲ့ ငါချည်းလဲ မပြိုင်နဲ့

အမြင်မကျယ်ဘဲဖြစ်နေအုံးမယ်

အခြားသူတွေနဲ့ပြိုင်

အခြားသူတွေနဲ့ ပြိုင်ဆိုလို့

လုပ်ဖေါ်ကိုင်ဖက် အချင်းချင်းလည်းမပြိုင်နဲ့ 

ကိုယ်ရေးကိုယ်တာတွေများနေမယ်

အပြင်က တခြားသူတွေနဲ့ပြိုင်

အပြင်က တခြားသူတွေနဲ့ ပြိုင်ဆိုလို့

စံမမီတာတွေ
နိမ့်တာတွေ
တလွဲတွေနဲ့ ပြိုင်ဆိုင်ပြီး

သာယာမနေနဲ့

အိမ်မက်ထဲက နိုးမှ ဒုက္ခရောက်မယ်

ကောင်းတာတွေ တော်တာတွေနဲ့ပြိုင်

ကောင်းတာတွေ တော်တာတွေနဲ့ပြိုင် အခါမှာ

အလွယ်နိုင် အမြန်နိုင် တွေနဲ့ အချိန်အကုန် မခံနေနဲ့

ခက်ခက်ခဲခဲနဲ့ ရေရှည်နိုင်အောင် ကြိုးစားအချိန်ကုန်ခံကြရမယ်

ဒီကနေ့ အတွက် မပြိုင်နဲ့ မနက်ဖြန်အတွက်ပြိုင်

ပြိုင်ဖက်ဆိုတာ ရန်ဖက်မဟုတ်ဘူး

ကိုယ်ရဲ့ဆရာ

ဆရာကောင်းကိုရှာ

ကြီးသူ ရိုသေ

ရွယ်သူလေးစား

ငယ်သူသနား

ယိုင်မဲ့ အစား မုဒိတာပွား စိတ်ထားပြုပြင်ပြောင်းပါ့မယ်

ပြိုင်မဲ့အစား  မေတ္တာပွား စိတ်ထားပြုပြုင်ပြောင်းပါ့မယ်

နိုင်မဲ့အစား ဂရုဏာထား စိတ်ထားပြုပြုင်ပြောင်းပါ့မယ်

စာကလေးလွှတ်တာ

https://www.facebook.com/straitstimes.stomp/photos/a.228017343896382.64081.144053245626126/975944205770355/?type=1&theater

https://www.facebook.com/straitstimes.stomp/photos/a.228017343896382.64081.144053245626126/975944205770355/?type=1&theater

Lawka Matrix

လောကမှာ
လူလို သူလို
နေချင်ရင်
အင်အားကြီးအောင်လုပ်
သဘောထားကြီးကြီးထား။

အကောင်သေးပြီး သဘောထားကြီးပြနေရင် ပေါတယ်။

အကောင်သေးပြီး သဘောထားယုတ်ရင် အမြင်ကတ်တယ်။

အကောင်ကြီးပြီး သဘောထားယုတ်ရင် ဆိုးတယ်။

S

Sharpen your saw,
Shine your tools and
Serve your customer well can
shape your future.

၃၈

၃၈ ဖြာ မင်္ဂလာ ကဗျာများ

၁။ ပေါင်းသင်းဆက်ဆံရေး မင်္ဂလာ ၃ ပါး

     လူမိုက်ဆိုလျှင် ရှောင်သွေလွဲလို့၊ မမှီဝဲနဲ့ ကင်းအောင်နေ၊
     ပညာရှိကို အရှည်တွဲလို့၊ မှီဝဲဆည်းကပ် နည်းယူစေ၊
     သုံးပါးရတနာ မိဘများနှင့်၊ ဆရာသမားကို ပူဇော်လေ၊ 
     ချမ်းသာကိုပေး ဆက်ဆံရေး၊ မျှော်တွေး သုံးချက်ပေ၊
     အဲဒါမှ ..... ဗုဒ္ဓ၀ါဒ ကမ္ဘာ့မင်္ဂလာတွေ။

၂။ နေထိုင်ရေး မင်္ဂလာ ၃ ပါး

     ကုသိုလ် ပညာ ဥစ္စာရဖို့၊ သင့်ရာဒေသ အမြဲနေ၊
     ရှေးကတင်ကြို ပြုခဲ့ဖူးသည့်၊ ကောင်းမှု အထူး ရှိပါစေ၊
     မိမိကိုယ်ကို ကောင်းအောင် ထိန်းလို့၊ မတိမ်းစေနဲ့ ဆောက်တည်လေ၊
     ဥစ္စာကိုပေး နေထိုင်ရေး၊ မျှော်တွေး သုံးချက်ပေ၊
     အဲဒါမှ ..... ဗုဒ္ဓ၀ါဒ ကမ္ဘာ့မင်္ဂလာတွေ။

၃။ သင်ကြားရေး မင်္ဂလာ ၄ပါး

     တတ်ကောင်းတတ်ရာ ဟူသမျှကို၊ ကြာ့းမင်သုတ ရှိပါစေ၊
     အိုးအိမ်တည်ထောင် ၀မ်းစာရေးနဲ့၊ အသက်မွေးဖို့ အတတ်သင်လေ၊
     လူနှင့်ဆိုင်ရာ ကျင့်ဝတ်များကို၊ ကောင်းစွာသင်ကြား နားလည်စေ၊
     မှန်ကန်ယဉ်ကျေး ချိုသာအေး၊ ဆိုရေးတတ်ပါစေ၊
     အဲဒါမှ ..... ဗုဒ္ဓ၀ါဒ ကမ္ဘာ့မင်္ဂလာတွေ။

၎။ ပြုစုရေး မင်္ဂလာ ၃ ပါး

     မြင်းမိုရ်ရွှေတောင် မိဘကြွေးကို၊ ကောင်းစွာဆပ်ပေး ၀တ်ကျေကျေ၊
     ကြွေးသစ်ချကာ သားနှင့်မယား၊ မြှောက်စားချီးမြှင့် ၀တ်ကုန်စေ၊
     အလုပ်တာဝန် မလစ်ဟင်းနှင့်၊ အပြစ်ကင်းအောင် လုပ်ပါလေ၊
     စည်းစိမ်ကိုပေး ပြုစုရေး၊ မျှော်တွေး သုံးချက်ပေ၊
     အဲဒါမှ ..... ဗုဒ္ဓ၀ါဒ ကမ္ဘာ့မင်္ဂလာတွေ။

၅။ လိုက်နာကျင့်သုံးရေး မင်္ဂလာ ၄ ပါး

     သုံးတန်စေတနာ ဖြူစင်လန်းလို့၊ ပေးကမ်းဝေမျှ လှုနိုင်စေ၊
     ကိုယ်နှုတ်စိတ်ကြံ မမိုက်မှားနဲ့၊ သုစရိုက်တရားကို ကြင့်ပါလေ၊
     ဆွေမျိုးတွေကို ပြင်ပမထားနဲ့၊ သင်္ဂဟတရားနဲ့ ချီးမြှောက်လေ၊
     သန့်စင်ပြစ်မျိုး လူထုကျိုး၊ သည်ပိုးဆောင်ရွက်စေ၊   
     အဲဒါမှ ..... ဗုဒ္ဓ၀ါဒ ကမ္ဘာ့မင်္ဂလာတွေ။

၆။ ရှောင်ကြဉ်ရေး မင်္ဂလာ ၄ ပါး

     မကောင်းမှုတွေ ဟူသမျှကို၊ မတွေ့ခင်က ရှောင်ကြဉ်လေ၊
     တွေ့ကြုံလာရင် မလွန်ကြူးနဲ့၊ အထူးသဖြင့် စောင့်စည်းနေ၊
     အရက်သေစာ မသောက်စားနဲ့၊ မှောက်မှားတတ်တဲ့ အရာပေ၊
     လုပ်ကိုင်ပြောကြား သတိထား၊ တရားမမေ့စေ၊
     အဲဒါမှ ..... ဗုဒ္ဓ၀ါဒ ကမ္ဘာ့မင်္ဂလာတွေ။

၇။ စိတ်ထားရေး မင်္ဂလာ ၅ ပါး

     အသက်ဂုဏ်ဝါ ကိုယ့်ထက်ကြီးက၊ ဆည်းကပ်ခစား ရိုသေလေ၊
     မာနတံခွန် ဂုဏ်မကြွနဲ့၊ ကိုယ့်ကိုယ်နှိမ်ချ အမြဲနေ၊
     လောဘအပို လိုမလိုက်နဲ့၊ ကိုယ်ထိုက်တာနဲ့ ကျေနပ်လေ၊
     ကိုယ့်ပေါ်ပြုဖူး သူ့ကျေးဇူး၊ အထူးသိတတ်စေ၊
     ကောင်းကျိုးဆင့်ပွား မြတ်တရား၊ နာကြားမပြတ်ပေ၊
     အဲဒါမှ ..... ဗုဒ္ဓ၀ါဒ ကမ္ဘာ့မင်္ဂလာတွေ။



၈။ သည်းခံရေး မင်္ဂလာ ၄ ပါး

     ၀တ် စား နေထိုင် ရန်ခပ်သိမ်း၊ စိတ်ကိုချုပ်ထိန်း သည်းခံလေ၊
     ကျိုးကြောင်း ပြညွှန် ဆုံးမစကားကို၊ ပြောကြားလာက နာလွယ်စေ၊
     သူမြတ်ပုဂ္ဂိလ် ဟူသမျှ၊ မကြာခဏ တွေ့ဆုံလေ၊
     သဘာဝတွေး မှန်ကန်ရေး၊ ဆွေးနွေး မပြတ်ပေ၊
     အဲဒါမှ ..... ဗုဒ္ဓ၀ါဒ ကမ္ဘာ့မင်္ဂလာတွေ။


၉။ ခြိုးခြံရေး မင်္ဂလာ ၄ ပါး

     လောကီအာရုံ ဇိမ်ယစ်မူးလို့၊ အပျော်မကြူးနဲ့ ခြိုးခြံလေ၊
     မေတ္တာ ဗြဟ္မစိုရ် လက်ကိုင်သုံးလို့၊ သူမြတ်ကြင့်ထုံး ယွင်းမသွေ၊
     လေးပါးသစ္စာ ဥာဏ်မြင်ကြည့်လို့၊ အမှန်သိအောင် ကျိုးစားလေ၊
     ဒုက္ခလွတ်ကင်း နိဗ္ဗာန်ချဉ်း၊ အလင်းပေါက်နိုင်စေ၊
     အဲဒါမှ ..... ဗုဒ္ဓ၀ါဒ ကမ္ဘာ့မင်္ဂလာတွေ။


၁၀။ စိတ်ဓာတ်ခိုင်ခံ့ရေး မင်္ဂလာ ၄ ပါး

     ဆင်းရဲချမ်းသာ သဘာဝ၊ တွေ့ကြုံနေကျ လူတိုင်းပေ၊
     ကောင်းဆိုးနှစ်တန် အစုံတွဲလို့၊ တစ်လှဲ့စီလှည့် အမြဲနေ၊
     လောကဓံကြုံ မဖြုံတမ်းပေါ့၊ မတုန်စမ်းနဲ့ စိတ်ခိုင်စေ၊
     သောကကိုထိန်း ရမ္မက်သိမ်း၊ အေးငြိမ်း ချမ်းသာနေ၊
     အဲဒါမှ ..... ဗုဒ္ဓ၀ါဒ ကမ္ဘာ့မင်္ဂလာတွေ။



     သုံးဆယ့်ရှစ်ဖြာ မင်္ဂလာကုံးကို၊ လိုက်နာကြင့်သုံးပန်သူတွေ၊
     စီးပွားချမ်းသာ ကျက်သရေတိုးလို့၊ ကောင်းကျိုးစည်ပွင့် တဝေေ၀၊
     ဘေးကင်းရန်ကွာ ချစ်သူပေါလို့၊ စိတ်ရော ကိုယ်ရော ချမ်းသာမလေ၊
     ပြောဆိုကြံဆ ဆောင်သမျှ၊ အောင်ရမည် ကိန်းသေ၊
     အဲဒါကြောင့် ပန်ကြ ဆင်ကြ မင်္ဂလာ့ ပန်းခိုင်တွေ။

အကောင်းဆုံး The best strategy is to

အကောင်းဆုံး ခံစစ်ဆိုတာ
တိုက်စစ်ပဲ။

အကောင်းဆုံး တိုက်စစ်ဆိုတာ
မတိုက်ဘဲ (စစ်မတိုက်ရဘဲ) အောင်နိုင်တာ။

အကောင်းဆုံးတိုက်စစ်ကတော့
မေတ္တာထားခြင်းပဲ။

ရန်လိုရင် ရန်ပို။
ရန်မလိုရင် ရန်ပြိုတယ်။

ပြိုင်ဆိုင်မှု့ပြင်းထန်တဲ့အချိန်မှာ
၁။ ၀န်ထမ်းကောင်းရအောင်ကြိုးစား။ ကောင်းတဲ့ ၀န်ထမ်းမြဲအောင် ကြိုးစား။
၂။ အမှတ်တံဆိပ်ကို ပြုစု
၃။ စားသုံးသူနဲ့ နီးကပ်အောင်နေ
၎။ စနစ်ကျအောင် လုပ်
၅။ နည်းပညာတွေရအောင်လုပ်
၆။ ပူးပေါင်းဖို့ကြိုးစား
၇။ အတားအဆီးတွေတည်ဆောက်

ဖြစ်အောင်ကြိုးစားမယ်။

ပြသနာရှာနေကြတယ်။
ပြသနာကို လူတိုင်းရှာတက်ကြတယ်။
အဖြေအတွက်တော့ လူနည်းတက်တယ်။
ပြသနာရော
အဖြေရော
ရှာပေးနိုင်အောင် ကြိုးစားမယ်။

ပြောချင်နေကြတယ်။
လူတိုင်း ပြောချင်နေကြတယ်။
နားထောင်တဲ့သူ နည်းနေတယ်။
ပြောလည်းပြောမယ်။
နားထောင်နိုင်အောင်လည်းကြိုးစားမယ်။

ခေါင်းဆောင်ဖြစ်ချင်နေကြတယ်။
ခေါင်းဆောင်ဖြစ်ချင်နေကြတယ်။
နောက်လိုက်ဖြစ်ချင်တဲ့သူ နည်းနေတယ်။
ခေါင်းဆောင်ကောင်းလည်းဖြစ်အောင်ကြိုးစားမယ်။
နောက်လိုက်ကောင်းလည်းဖြစ်အောင်ကြိုးစားမယ်။